اسمحلى افضفض معاك انهرده ده لو معندكش مانع معلش محتاجه حد يسمعنى ممكن ؟لو ممكن كمل باقى الكلام لو زهقان منى و من كلامى اغلق المدونه علاطول و اعتبرنى ما طلبت منك شيء
عادى عادى عادى كله بقي عادى و انا بصراحه الكلمه دى بتجبلى حساسيه و الناس مش راضيه ترحمنى و علاطول بتقلها طبعا بتقول عليه مجنونه و لازم اروح لطبيب نفسي طيب اسمع بس و لو مقتنعتش قلي ع اقرب دكتر نفسانى تعرفه طيب اتفقنا
عادة ان البنت هى اللي تعااكس الشباب و تلفت نظرهم باى طريقه عشان يكلمها ان شالله يقلها هاى و لو روحت تقلها بتعملى كده ليه حيكون الرد عادى يعنى بسلي نفسسي عادى يعنى عاوز احس انى حلوه و محور لفت للانظار صبيان و بنات مش هدفى يعنى الصبيان بس يعنى عادى اصلى بدور على الحب و العريس فيمكن الصناره تغمز مع واحد
صناره يا ام صناره انتى (البقاء لالله فى حياء و انوثة البنت و حيائها
و لا بنت تانيه اسمع بس واقفه و حوليها 3 او 4 شباب عماله تضحك مع ده و تزوق فى ده و تشد هدوم ده و الللي يمسك شعرها و الي يمسك ايديها و اللي يقعد على رجليها و صوتها اد كده ما شاء الله يسمع اخر الدنيا و تيجى تقثلها ايه اللي انت بتعمليه تقلك ايه عادى دول اصحابى و بنهرج شويه
و يا سلام على الطلبه و الطالبات و زملاء العمل الاعزاء الله عليهم دول بقي حدوته