الأحد، 19 يوليو 2009

حوار الفراشه و اليمامه

اليمامه يا ترى حتكتبى ايه المرادى ؟
الفراشه بصراحه مش عارفه .
اليمامه
و ليه مش عارفه؟
الفراشه مشتته و مش حاسه ان فى موضوع ما شادد تفكيرى.
اليمامه اومال فاتحه برنامج الورد ليه و بتقولى عاوزه اكتب؟
الفراشه رغبه جوايه بقالها اسبوع او اكتر .
اليمامه و ازاى حتشبعى رغبتك فى الكتابه و انت معندكيش موضوع تكتبي فيه و لا هدف تحققي؟
الفراشه مش عارفه طب قوليلى اعمل ايه؟
اليمامه قبل ما اقلق تعملي ايه تيجى تفتحيلى قلبك
الفراشه افتحلك قلبى ازاى؟
اليمامه يعنى نتكلم مع بعض بصراحه تيجى؟
الفراشه اوكى انا موافقه.
اليمامه حسئلك شوية اسئله بس تجاوبينى بصراحه زى ما اتفقنا
الفراشه مممممممم طيب اتفضلى و اوعدك حكون صادقه معاكى.
اليمامه انا حاسه ان فى حاجه مزعلاكى صح؟
الفراشه حاجه مزعلانى مش عارفه.
اليمامه ازاى يعنى مش عارفه ممكن توضحيلى اكتر.
الفراشه بصى يا ستى انا حافهمك
اليمامه اوكى سمعاكى يا قمر
الفراشه منكرش ان فى حجات حلوه حوليه و نم كتير زى الاهل و الاصدقاء و الحمد الله انى نجحت فى دراستى ان اغلب اللي اعرفهم بيحبونى و يتمنولى النجاح و الخير , و لكنللاسف حجات كتيييييييييييير اوى عملالى حاله من التوتر و القلق.
اليمامه توتر وقلق من ايه؟ و ايه هى الحجات اللي معيشاكى في توتر و قلق؟
الفراشه ياااااااااه حجاااااااااااات كتيررررررررر.
اليمامه باين عليكى شايله هم ثقيل
الفراشه فعلا بس ده مش همى لوحدى
اليمامه اومال هم مين كمان؟
الفراشه همنا كلنا.
اليمامه شكلك بيهرج.
الفراشه لا بتكلم جد.
اليمامه هباااااااااااا فهمتك دلوقتى
الفراشه فهمتى ايه
اليمامه شكلك عاوزه تتكلم فى احد اضلع المثلث المحزور
الفراشه تمام
اليمامه اشجينى يا اختى اشجينى
الفراشه مالك يا بنتى خايفه ليه هى السياسه بعبع دى السياسه حياه
اليمامه مش فهمه حياه ازاى يعنى ؟
الفراشه يعنى متحكمه في كل شيء
اليمامه اها ما انا عارفه بس بستهبل ههههههه
الفراشه ماشي يا هابله
اليمامه لمى لسانك يا بت و الله حقملك
الفراشه خلاص خلاص ما تتعصبيش نرجع للاهم
اليمامه ماشي يا فيلسوفه نرجع
الفراشه بصي بقى يا ست الحلوين و من غير ما تقاطعينى لو سمحتى
اليمامه حاضر من عيونى
الفراشه تنكري ان كل العرب و المسلمين مهانين
اليمامه.......................
الفراشه انكتمتى ليه
اليمامه الله مش قلتيلى مش اقطعك
الفراشه ايوه قلت يا غلسه بس انا بسئلك تردى
اليمامه هههههههههه حاضر ايوه يا ستى متهانين و مداس علينا من اسرائيل و امريكا و محدش عملنا اعتبار
الفراشه مين اللي وصلنا لكده تفتكرى
اليمامه ما كلنا عارفيين اليهود و امريكا
الفراشه لا غلط احنا اللي عملنا كده في روحنا
اليمامه ازاى بقي يا ام العريف مش اسرئيل محتله فلسطين و امريكا محتله العراق و افغنستان
الفراشه براحه بس و انا حفهمك
اليمامه اتفضلى فهمينى
الفراشه خلينا الاول في فلسطين
اليمامه خلينا
الفراشه مين اللى خلا اليهود يدخلو فلسطين
اليمامه وعد من لا يملك لمن لا يستحق
الفراشه اوكى انا متفقه معاكى في ده
بس خلي بالك ان اليهود كان ليهم هدف الا وهو تكوين دوله بس كانه محتارين في تحديد مكانها صح
اليمامه صح
الفراشه طيب و بوعد بلفر يكونو كده حققه مكان الدوله
اليمامه فعلا
الفراشه بس ليسهه\ الاراضى كانت ملك لسكانها العرب
اليمامه اه
الفراشه بس احنا بغبائنا بصينا تحت رجلينا و مش بصينا للمستقبل
اليمامه ازاى يعنى
الفراشه اجدادنا باعو ارضهم لليهود منكرش ان فى منهم كان مجبر لفقره و قله حيلته بس في منهم اللي بص على الفلوس و بس و افتكرو انها باب السعد و في منهممن فقد اوراق اثبات ملكيه فاليهود حاطه ايديهم عليها
اليمامه مممممم عندك حق بس هما كانو معزوريين احتلال انجليزى و حرب و فقر
الفراشه مش عارفه بس هما برده عليهم جزء من مسؤليه ضياع فلسطين و بالاخص لما بدء الهجوم اليهودى الصهيونى عليهم على امل ان الجيش العربي اللي هو اصلا كان واقع تحت الاحتلال الانجليزى و الفرنسي يعنى بالتاكيد جيش مهزوم اذا كان هو عاجز عن تحرير بلده حينجح في تحرير بلد غيره
اليمامه صح
الفراشه كان المفرود كل فلسطينى يتمسك بكل شبر و يحارب و ما يسيب وطنه الا بموته
اليمامه ما علينا يا فالحه ده كان زمان و خلاص خده الارض و اوجده دوله معترف بها دوليا حتى من العرب و كل ساعه اطلاق نيران واقتحام بيوت و قتل مدنيين عزل و اطفال ابرياء و و زوجات ترمل و اطفال تيتم بتسميه دى حياه و للاسف و مافيش اي موقف او اغتراض و مع الاسف البزنس و الصفقات شغعاله ايه الله ينور و طبعاا امريكا دائما و ابدا و الى الابد نعم لاسرائيل لا للعرب
الفراشه ايوه يا بنتى هو ده اللي بفكر فيه لغايت امتى حنفضل فى اخر العالم لغايت امتى ساكتيين .
اليمامه اقلك على حاجاه انتى ما تفكريش عشان حتتعبي
الفراشه اومال اعمل ايه بس
اليمامه اقلك يا ستى
الفراشه قولى
اليمامه فكرى في حالك انت و ازاى تكونيه ناجحه في حياتك و عندك وعى لما يحدث حولك طورى من نفسك اتمسكى بتعاليم دينك و فكري في شيء يعود على امتك بالخير و الرخاء اعتقد لو كل واحد فكر كده الامه كلها حتتغير
الفراشه صح عندك حق
اليمامه طيب تصبحى علي خير بقي
الفراشه استنى هنا انا ليسه عندى كلام كتيير
اليمامه لا بقلك ايه انت صدعتينى نكمل يوم تانى
الفراشه طيب اكتب ايه انا دلوقتى ليسه جوايه رغبة الكتابه
اليمامه اقلك اكتبي الحوار اللي حصل بينا
الفراشه اه و الله فكره
اليمامه طب يالا امشيي بقي و سبينى انام
الفراشه -خلاص ادينى ماشيه اهو

الأحد، 5 يوليو 2009

واحد من ايانا الحلوه ايام الكليه التى لا تعوض يااااه نفسي ترجع تانى




مره ثانيه قررت ان اسرد تفاصيل يومى هذا انه ايضا السبت كالمره السابقه و لكن هذه المره لست متشائمه و لا قلبي مقبود و لا شيءعلى العكس تماما فانا سعيده اليوم بذهابى الى الجامه و رؤية اصدقائي فعلمت ان اغلبهم سيحضر ما على عكس ما كنت اتوقع
المهم انا استيقظت من نومى الساعه الثامنه صباحا و معا محاضرتى الحاديه عشر
محاضره د عبد الباسط
دعونى اتحدث عنه قليلا
انه المنظر الاول فى الشرق الاوسط انه موسوعه بكل المعانى التى تحملها الكلمه
كان بعطينى ماده فى سنه اولى و ثانيه مكنتش احب احضرله على الاطلاق اصل محضرته 8 صباحا و انا الفتره دى استحاله انزل من بيتنا7 و نص علاشان محاضره هكذا كنت افكر فشله طول عمرى
افتكر انى على مدار السنتين حضرتله محاضره وحده الاغرب انه كان متذكرنى يمكن علاشان رحتله مكتبه مره
المحاضره دى ضحك المدرج كله عليه بلا اسثناء عارفين ليه
ابدا انا كنت جالسه على كرسي امام البنج الاول
طلب الدكتر نسخه من كتابه
انا طبعا فشله مش معايه الكتاب
احد اصدقائى اعطانى الكتاب لاعطيه له بما انى اقرب وحده لمكان الدكتر
ذهبت اعطيه الكتاب و اسرعت لاجلس مكانى
الدكتر في منتهى البساطه و الطلاقه لاقيته بيقولى على مهلك يا عسل
اووووووووووووووو كل المدرج ضحك و انا معهم و هو كمان ضحك عادى بتحصل ما هو نظره ضعيف مش انا وحدى التي تقول هذا ده بشهاده كل العاملين بالقسم و طلابه بما فيهم انا
الحقيقه مكنتش بحبه طول الاربع سنين قبل التخرج علاشان مكنشي بيدينى تقدير
حتقلولى انت ما كنتى تحضرى حقول لالالالالالالالا هو تقديراته زفت حتى للبنات الائي يحضرنا المحاضره
و لكن هذا العام اكتشفت فيه اشياء اخرى بما انى بقيت احضرله يعنى انه حقا موسوعه يحدثك عن كل شيءو اى شيء يسمعك و يجاوب على استفساراتك بس الصراحه مدته صعبه و كمان هو لا يعطى تقدير ربنا يستر
و لكن هذا العام كان له كلمه قالهالى رفعت من روحى المعنويه جدا جدا كنت فى حاله من الاحباط بسبب امر ما كان يؤرقنى هذا الامر كان له علاقه بدورات الغه التى كنت ارغب ان احصل عليها مش حقول تفاصيل المقربين فقط هما الي حيفهموا عما اتحدث
فقال لي الدكتر لا داعى للاحباط و الحزن فانا اراكى معجزه فى عصر اختفت فيه المعجزات
الله بجد كلمه حلوه و مش اى حد بيقلهالى ده المنظر الاول فى الشرق الاوسط رجل موسوعه فى كل المجالات خبراته واسعه و متعدده
كفايه كده كلام عن الموسوعه شكلى حقع فى غرامه اه ربنا يستر
ده انا لو وقعت فى غرامه ايمان الملقبه بمحمد عبده تقتلنى لالا بلاش الواحد عمره غالى عليه
المهم انا شربت الشاى و انا بكتب لكم عن دودى يااه اقصد د عبد الباسط كويس ان ايمان ما تعرفش المدونه بتعتى لحسن لو شافت انى بدلعه حتضربنى هههههههه
بهرج طبعا انا و ايمو استحاله نخصر بعض علاشان دودى هههه
يالا بقي حقوم ارتب حالى لكى اذهب الى الكليه و اول ما ارجع اكمل التفاصيل سلام مؤقت

رجعت من الجامعه اووووووووو كان يوم طويل بس جميل احلا ما فيه ان اغلب اصدقائي كانوا موجودين فيما عده قله
يالا نبتدى اليوم فى كليتي يالا
سياره ابى تقف امام البوابه افتح الباب و انزل انا و انر مرتديه التونك الرمادى الشفاف و اسفله بادى اسود بقم و ارتدى بنطلون جنز اسود و سابوه اسود واتى وعلى كتفى الاييمن حقيبتى السوداء الجلد و ارتدى نظاره شمس سوداء اما شعرى فكان نصفه ديل حصان و الباقى طلقته فى مهب الريح ههههههه نصف متسيب مش عارفه اشرح هو كان مصفف ازاى حتفرق يعنى ؟ مش مهم
الجو كان حلو و بحب اوى الهواء و هو يداع شعرى احساس حلوه هههه ممكن تعتبرونى طفله فى احساسي ده مش مهم
صعدت الى القسم اول شيء لفت نظرى غرفه الموسوعه دودى يعنى اووووووووو اقصد د عبد الباسط لحسن ايمو تضربنى ممممممممممممم مجاش طيب اروح لداده زينب و استفسر عنه لكى اتيقن انه مجاش
انا : داده صباح الخير ازيك يا داده
داده : اهلا يا ريم صباح النور
انا : د عبد الباسط جيه؟
داده : لا يا ريم مجاش
صوت من خلفي ينادى يا ريم
انظر خلفى انها الهام فى معمل الاعلام حولها طلاب الفرقعه الثالثه اعلام ما اصل الهام معيده هى معيده اه بس طفله اوى زى حلاتى كده هبله
دخلت المعمل
انا : هاى لولو
الهام: اهلا ريم ازيك ايه مش شيفانى ده كله
انا: اه معلش لبسه النظاره و رحت قالعه النظاره
المهم اعدنا نهزر و نطرسيق على بعض مش مهم تعرفه ليه الفضايح يعنى
و بعد قليل من الوقت جات فايزه
هاى ازيك يا فايزه سلمت عليه انا و الهام
خرجت الهام من المعمل لكى تتحدث مع بعض الطالبات
انا و فايزه اعدنا نتكلم
فايزه : و انت عاوزه تحضري الماستر في ايه
انا : بفكر اما دراما و اخراج او فيلم تسجيلى بس انا اميل للدراما
فايزه: الله الدراما دى حلوه اوى و ممتعه جدا
انا : ايوه انا بعشقها اصلا دى فن و ابداع
فايزه: سمعت ان عندك مدونه
انا : اه فعلا
فايزه : بتكتبي فيها ايه
انا : بكتب خواطر مواقف مقالات
فايزه بس انت كده بتكشفي شخصيتك
انا لازم الاعلامى يكون جريء و اش عرف القارئ ان دى شخصيتى مش يمكن بختلقها من وحى خيالى
فايزه اه فعلا بس يا ريم مش كل حاجه تتحكى
انا طبعا لازم يكون فى خصوصيه
فايزه اخر حاجه كتبتيها كانت ايه
انا كتبت كيف يكون الحب؟
فايزه بيجيلك تعليقات
انا اه
طيب ايه التعليق الي جالك عن الموضوع ده
انا تعليق من واحد يسمى نفسه امير الرومانسيع عندى اصلا على الماسنجر قالى اراكى تبحثين فى كلامك عن الرومانسيه و ده طبعا علاشان اتعرفتى عليه
فايزه ايه الثقه دى
انا لا ما انا رديتعلى تعليقه اذا كنت تقصد اخر موضوع كتبته فانا كتباه من 7 شهور يعنى من قبل ما اتعرف عليك يا استاذ
فايزه هههههههههههه بس تعرفى تعليقه حلو اوى
انا اه
فايزه بس انتى يا ريم رومانسيه و ده حلو
انا بس تعرفى من وجهة نظر امى انا عقلانيه اوى و مش عاطفيه
فايزه ازاى يا ريم
انا هى بتقلى الن الرومانسي يغلب العاطفه على العقل
فايزه لالالا الاتنين مع بعض علاشان الواحد ما يتعب
انا صح
هبه دخلت المعمل
انا بوبه ازيك
هبه الزيك يا مرمر
فايزه ازيك هبه
هبه ازيك يا فايزه فين صباعك ابو خاتم
فايزه اهو
هبه ابعديه عنى بصباعك ده
هبه يا بلنت السلطان ابعدى عنى يا فيزه بصباعك يا فايزه
فايزه و انا و الهام هههههههههههههه بنضحك يعنى
و كمان الفتى على فايزه اغنيه
فازوه هاتى ايمالك يا ريم
انا طيب
ادتهلها
شويه و زينب و شاديه و شيماء و رانيا و ساره جم
سلمنا و هزرنا و الهام اعدت تشرح الاحصاء
شويه تشرح شويه نهزر
شويه و المحمول بتاعى رن (خد بالك عليه)
دىاا الرنه
يا ترى مين
اووووووو شوشو صديقتى عاوزه ايه

الوووووووو ازيك يا حبيبي
الووووويا ريم ازيك وحشانى هو انت فى الكليه
انا اه و انت
شوشو و انا كمان
انا انتى فين
انا فيي ..........0
اوكى انا جيالك باى
رحتلها رجعت تانى اعدنا نرغى عن الزواج و الخطوبه و الابهات و الامهات و اطريقنا و ضحكنا و التكلمنا جد برده
فضلنا على كده لغايت ما جالى تليفون تانى
خدنى معك فى الدنيا الحلوه اه دى رنت ماما
الوو ايوه يا ماما وحشانى
ماما و انت كمان
ماما حتيجي امتى
انا مش عارفه ليه ؟
ماما اصلى عاوزه انا
انا طيب نامى و خلاص
ماما اوكى خبطى فتحت فتحت ما فتحت خليكى بره عند البواب ههههههه
انا طيب هههههههههه
صورت الورق من الهام الورق الي كنت طباه روحت
لاقيت اخى مريض اه ربنا يستر
ماما كانت نايمه استيقظت ابلغتنى نهى حدثتك فى التليفون تردك تكلميها
انا كلمتها و اتفقت اروحلها اشرح لها الاحصاء اصلها مجتش اصلي كنت ندله و مقلتلهاشاصلي كنت زعلانه منها شويه
بس خلص اليوم كان يوم مرح جدا

ايام ما كنت بتمهيدى ماجستير من سنه تقريبا


ماذا اريد
دراسه حب عمل
انا مخنوقه اوى كل حاجه شبه بعضها. الايام هى هى .الوشوش هى هى .الضغوط بتزيد انا اعمل ايه انا تهت خلاص و ملييييييت من روتين الحياه و تهت من كثره الحاجات الي عاوزه اعملها و مش عارفه اعلها امتى و ازاى و ليه
افتكر مثلا انى عاوزه اخلص ابحاثى الجليله بما انى فى السنه التمهيديه و فعلا قطعت شوت في بعضها مش كلها بعد ده كله الجهاز بتاعى يتعمله هاك
الله كل شيء ضاع الاجمل انى كل ما اعيد كتابة شيء تضيع تانى ده ايه الفقر ده نفسي اخلص على خير من السنادى بس مش عارفه القدر معاند معايه كل ما اشعر انى أنجزت تضيع الانجازات احلامى تضيع بس خلاص قررت اكتب ابحاثى على جهاز تانى ما في فايروسات و لا هاك
ده كان عن دراستى فى السنه الحلوه دى عموما انا مؤمنه و راضيه بقضاء الله
نيجى بقي للكورس فى المعهد البريطانى اموت و اخد فيه كورسات الانجلش يااه بيقوله لى تعليم تانى و عالم تانى حتعرفى التعليم الي بجد لما تخشي انا عندى امتحان تحديد مستوى غدا ربنا يستر واخش ليفل معقول و كمان اخد فى وسط جروب مش عاوزه حد يقلى خدى لوحدك علاشان ظروفك و تستوعبى كويس حد قالهم ان مخى ناقص
عالم هبله و متخلفه اومال لو مكنتش متخرجه و بتقدير حلو يعنى كانوا قالولى ايه و الله لو حد قالى خدى لوحدك لاضربه هو كده معنديش تفاهم
اما عن حلم العمل فادينى اهو بجرب فى اكتر من مكان و ربنا معايه هو وسطتى و معاونى فى اى مكان باتقدم فيه
سيبنا بقي من الحياه العمليه و خلينا فى الحب و العاطفه و الرومانسيه
يااااااااااه الحب و الرومانسه احلام جميله بس نادره .و مش بتحصل كتييير و كل ما احس انى خلاص قربت اوصلها اكتشف ان بينى و بينها بحور و جبال و محيطات
بصراحه عمرى ما حبييت
انا معترفه بده بس ممكن اعجب بحد افتكر انه فى كل ما اتمناه من فارس الاحلام
على فكره انا مش عاوزه تسبيل العنين و لا لمس الايدين و لا كلام الاشعار ز بس
لالالالالالالالالالالا اكيد عاوزه كلمه جميله نظره حب رقيقه بس عاوزه كمان احتواء عاوزه احترام عاوزه ثقافه و عى عاوزه نجاح و تفاهم
مش عاوزه تفاهه و لعب
و كمان مش عاوزه وجه عبوس حياته كلها جد بالمسطره و القلم
بصراحه بقي ممكن اعجب بحد و يوهمنى بثقافته و عقله و فى الاخر اكتشف مدى التفاهه و التفكير المتخلف السطحى مش فالح بس غير فى العب و الطنتيت
اما لو حد معجب بيه فغالبا اجده عبوس و نكدى و عاوز حتيت دين قلم على وشه يفوقه من ام النكد الي عايش فيه و يكون نفسي اقله يا ابنى مش انا بتاعت النكد روح ضورلك على نكديه غيري
انا اه بحب الانطلاق و الفرحه و الهزار بس في نفس الوقت اريد الااحترم الثقافه و العقل الناضج و اغلب اليى مره عليه تافهين او نكدين
مش بقلكم بينى و بين الحب جبال و انهار و بحاار و محبطات

وحشنى

لما الرومانسيه بتحل عليه خرفت و كتبت وحشنى هو مين ده اللى وحشنى و لا اعرفه المهم تعجبكم و سامحونى لآنها صغيرة
وحشنى صمتك و كلامك
وحشى غضبك و رضاكى
وحشنى عقلك و جنانك
رغم انا خيالك لا يقارق خيالى
دائما فى بالى
صوتك يرن فى اذانى
انت بصمه في حياتى

الحياة


: الحياه ما هى الا ضحكه و دمعه
: يوم تضحكنا يوم تبكينا:
يوم تضحكنا و ايام تضحك علينا
: الدنيا ما هى الا حدوته كبيره بنعيشها
: و كل واحد لي حكايه جوه الحدوته
و الحكايه دى احنا ابطالها
: حكايه ريم سوزان مصطفى يحيى ايمان الخ
: المهم نعيش الحكايه و نحسها
: نؤمن بيها ننميها
: نخلق لها الهدف و القيمه
: نجعلها حكايه مختلفه
: حكيه تنال رضا الرب
: حكايه تبهر العبد
: حكايه كل من يسمع عنها يتمنى ان يكون بطلها

wellcom

الفراشه ترحب بيك و تتمنى ان تكون خفيفه الظل ممتعه و مفيده في كل بوست حتشوفه