الأحد، 9 يناير 2011




الفراشة و الزهره


زهره: انت كاتبه

In love with the self

ع الفيسبوك يعنى ايه يعنى

الفراشة : يعنى في حالة حب مع نفسي

زهره : ايوه ما انا عارفه بس مش فاهمه تقسدى ايه يعنى بتحبي في نفسك و لا على نفسك و لا ايه انت عايشة قصة حب جديده و لا ايه

الفراشة : فعلا انا بحب جديد

زهره : طيب و مع نفسك ليه بقي اومال فين الطرف الثانى

الفراشه : ما نفسي هى الطرف الثانى

زهره : مش فاهمه حاجه

الفراشة: اصلى قررت احب نفسي من جديد قررت مزعلشى حد و لا ازعل من حد و لا ابقي على حد غير اللي يستاهل و بس قررت اكون نفسي لا حالوم ظروف ولا جوبات مهما حصل ححب نفسي اكتر حعشقها حذوب بداخلها مش حاسمح باي شيء يبعدنى عنها او يقلل عشقي لها عشان اقدر احب الأخر و احب الحياة عشان اكون سعيده راضية

زهره: اها قولتيلى مش فاهمه حاجه

الفراشة : هههههههههههه بعد ده كله و مش فاهمه حاجه يا خبر ابيض عليكى

زهره :ههههههههه لا بصي هو حلو انك متزعليش حد و لا تزعلي من حد بس مش حلو انك ما تبقيش على حد و مش فاهمه ازاى تحبي نفسك عشان تعرفي تحبي الناس ما كلنا بنحب نفسنا ده شيء طبيعى مش محتاجة قرار يعنى

الفراشه : افهمى بس ,اه فعلا كلنا بنحب نفسنا بس سعات بنحبها غلط او ممكن نكون بنضرها كمان

زهره: كملي سمعاكى

الفراشه :يعنى ايه مثلا عشان ازمه مهما كانت صعوبتها اتوقف عن الحياة و ظللت ابكى على الاطلات و اهرب من الواقع على امل انه يتغير و الجده هو هو بدون تغير مع انى عارفه الحل لكن مستسلمه لليئس متوهمه ان في هروبى راحه لنفسي مع انى على يقين بان مواجهة الواقع هو الافضل مهما كان قاسي و اليم

زهره :بس انت يا فراشه مهربتيش انت واجهتى بس انت كنت منتظره الوقت المناسب و ده انا اعتبره ذكاء و ده خلاكى تخرجى من ازمتك باقل الخسائر و لا ايه؟

الفراشه : فعلا انا كنت مئجله و براقب تطور الاحداث و لكن هل هذا يمنعنى من الخروج من ممارسة الحياه بشكل طبيعي يبعدنى عن احلامى و طموحتى الاخرى هذا كان غباء منى و هروب و ضعف ضيعت من عمرى ساعة و ايام ما كان لي الحق ان اضيعها فعلا كرهت نفسي خلال الفتره دى الاشياء اللى تسعدنى اخرجتها من قاموس اهتمامتى طول المدة دى حتى الخروج و الفسح و عشقي للسينما و الشوبينج كل ما فعلته تقوقعت حول نفسي و حول ما قيل و من قال و للاسباب دىو بعد خروجى بسلام من ازمتى اكتشفت انى ظلمت نفسي معى كثيرا و قررت ابتدى معها صفحه عشق جديده امع ذاتى اذوب فيها اكثر افهمها استوعب احتياجتها و ما يسعدها و ما يرضيها و ابتعد عن اي شيء يقلقها او يغضبها مهما كانت الظروف معى ام ضدى تسمح اما لا فهمتينمه يا زهره فهمتينى

زهره : فهمتك يا حبيبتى فهمتك بس ايه علاقة انك لما تحبي نفسك حتعرفي تحبي الاخر

الفراشه : طبعا لما اعرف احب نفسي حتتغير حياتى حشوفها اجمل و احلى حكون راضيا انت عارفه ان سر السعاده هو الرضا فلما ييتحقق الاستقرار النفسي حعرف احب الاخر و قدرتى على العطاء حتكون اكبر عطائي في المشاعر عطائي في العمل و اللانتاج قدرتى على اسعاد من يحتاجون لي لاسعادهم ستكون بلا حدود

زهره: يا تفكيرك فلسفى اوى يا فراشه بس انت مش شايفه انى في تناقد ما بين كلامك ده و انك مش حتبقي على حد بعد كده

الفراشه : لا مش متناقد ده عشان متعبشي نفسي كفايه الصدمة اللي اخدتها مما كنت اعتقد انه الاقرب و الاوفي و... و ....و...... انت عارفه بقي فقررت متعلقش بحد اوى و لا اكون باقية على استمرار علاقتى بيه

زهره : مش شايفه انها منتهى القسوه انك متبقيش على حد و مظنش ان في قلبك كل القسوه دى و مظنش انك حتعرفي تعمليها انا عارفه الفراشه عمرها ما حتكون قاسيه للدرجه دى طيب ليه منسميهوش تسامح مع اى شخص ممكن يجرحنا او يتسبب في ألم مهما كان درجه الجرح او الألم

الفراشه : انا قلبي قلب بنى ادم مش ملاك

زهره : بس انت عمرك ما حتكونى بالقسوه دى

الفراشه : صدقينمى نفسي اكون قاسيه القلب عشان متعبش كفيانى اللي فات

زهره : طيب جربي تسامحى

الفراشه : صعب تسامحى كل الناس و صعب تسامحى في كل المواقف فالأحسن انى مابقاش عليه و اعمله زى اى حد معرفوش

زهره : صعب يا حبيبتى صعب و انا مش عاوزاكى تكونى قاسية مش كل الناس تستحق هذه القسوه و مش كلها بتجرح و تئلم يعنى انا لو زعلتك و انا مش قصدى حتعملينى زى اى حد غريب او حتقطعى علاقتك بي ؟

الفراشه : لا طبعا انت حلجه تانيه

زهره : صدقينى مش كل الناس سيئه و وارد حد بيحبك جدا بس تسبب لكى في الم دون قصد لازم تسامحى

الفراشة : سيبيها للأيام و للزمن هو اللي حيقول كلمته

المهم انى عايشه قصه حب جديده مع نفسي و ده احلى ما في القرار

زهره و انا سعيده بقرارك و حالا اتخذت نفس القرار "حاحب نفسي"

الفراشه : حطي ايدك في ايدى و يالا تبتدى من دلوقتى

حاحب نفسي

♥ ♥ ♥ ♥ ♥ ♥ ♥

حعشقها

♥ ♥ ♥ ♥ ♥ ♥ ♥

حاذوب بداخلخها

♥ ♥ ♥ ♥ ♥ ♥ ♥

حاستوعب احتياجتها

♥ ♥ ♥ ♥ ♥ ♥ ♥

حكون افضل

♥ ♥ ♥ ♥ ♥ ♥ ♥

حاحب الناس اكثر

♥ ♥ ♥ ♥ ♥ ♥ ♥

و حاحب الحياه مهما كانت الظروف

♥ ♥ ♥ ♥ ♥ ♥ ♥

ليست هناك تعليقات:

wellcom

الفراشه ترحب بيك و تتمنى ان تكون خفيفه الظل ممتعه و مفيده في كل بوست حتشوفه