بعشقك يا رمضان

بغض انظر عن التدوينه الكئيبه السابقه الى كنت اتحدث بها عن الاصدقاء الذين لم يعودو بالنسبه ليه كم كانو في الماضي

دعونا نفتح حوار جديد و نبتعد قليلا عن الامور الخاصه

احنا ايه انهرده ؟

احنا في اول يوم رمضان احلى و اجمل شهر في الدنيا

اظن كلنا نعشق هذا الشهر شهر القرأن شهر الرحمه و االلمغفره و الغفران التوبه التسامح الاخلاص الحب شهر استجابة االدعاء شهر العتق من النار شهر كل عمل خير تفعله من اجل ارضاء الله تاخذ ثواب و اجر لا يمكن ان تتخيل قيمته

شهر الفرض فيه باجر 70 فرض شهر من صامه ايمنا و احتسابا غفر له ما تقدم من زنب

ممممممممممممممم طبعا حتقلى ان كل الكلام ده انا عارفه و بسمه كل سنه لدرجة انى حفظته عن ظهر قلب ايه الجديد يعنى

ماشيي يا سيدى انا متتفقه معاك ان كل الكلام ده بنسمعه وحفظناه خلاص

طيب و رمضان كل سنه بيكون شبه اللي قابله ادينا بنصوم

و نروح الشغل تعبانين و نصلى الفرض في معاده و نفطر و نتسحر و نتفرجلنا على مسلسل و لا اتنين و اشوف برنامج دينى و لا بتاع و ممكن اقرأ شويه قرأن و خلصنا على كده حنعمل ايه تانى

اه حقلك كده هو انا ممكن اعمل ايه غير كده يعنى

لالالالالالالالالالالالالالالالالا ممكن نعمل اكتر

اقلك انا عمله نفسي جدول حكتبهولك لو عجبك اعملو ماعجبكش خلاص طنش و اعمل اللي انت عاوزه على فكره ده جدول يومى يعنى حيتكرر كل شهر

اسمع يا سيدى

• صلاة الفجر و كل الصلوات على وقتها بالثنن بتاعتتها

عارف اولا ثنه كل صلاه بص انا حكتبهم عشان لو مش عارف

الفجر ركعتين قبل او ركعتين بعد

الظهر لبيك فيه 3 اختيارات اما ركعتين قبل و 4 ركعا بعد او العكس يا 4 ركعات قبل و 4 بعد

العصر بقي مالوش ثنه

المغرب و العشاء كل منهما ركعتين بعد حلو الكلام.؟

• بعد كل صلاه بعمل كالأتى دعاء قصير التسبيه الاستغفار على حسب ما يسمحه لك الوقت


• التتراويح انا عن نفسي بصلى 8 ممكن تزيد ل 10 او تقل ل لا 6 على حسب شوف ان بقي تقدر تصلى كام


• بعد التراويح بصلى ركعتين شفع و ركعه وتر


• يوميا قرأة قرأن ما بين جزء و جزء و نص على حسب الوقت


• صدقة يوميه ان شالله جنيها واحدا لو معكش


• بجهز ليسته للدعاء يعنى مجموعه الامانى اللي نفسي احققها و اداوم على الدعاء بها خاصتا في النصف الاخير من الليل


• اكيد برنامج عمرو خالد عشان انا بحبه و اى برنامج اخر يشدنى


• و مش حضحك عليك و اقلك انى لا اشاهد مسلسلات الصراحه لازم اتابعلى مسلسلين على الاقل


• و اكيد في العشره الاواخر حتصلى تهجد

بس كده انا خلصتت