دردشه مش اكثر

بحبك و مش بحبك فازوره صح ؟
متهيئلى انها مش فازوره اوى و لا حاجه
استنو استنو اكيد بتسئلونى هوايه اللي بتحبي و مش بتحبى ده
ما انا نسيت اقول لكم بس حقول اهو و سابوح عما في جعبتى متخافوش
اللي بحبه و مش بحبه هو "الحب"
الله هو انا بخرف و لا ايه؟
و الله مش بعيد الواحد اليومين دول لازم يخرف ده الطبيعي

لا تقلقو ساوضح لكم وجهة نظرى في الموضوع ده بس لو سمحتم عاوزه تركيز جامد
انا مؤمنه جدا اننا من غير الحب ما نقدرش نعيش الحب مثله مثل الاكسجين

اذن الحب شيء مهم جدا في الحياه مختلفناش
و بما انى احيى الحياه اذن انا احب و بالتالى احب الحب
و مش انا لوحدى كلنا
كلنا بنحب الله سبحانه و تعالى كلنا بنحب اهلنا و اصحابنا و معارفنا
و في منا كتير بيحب الحب الخاص اقصد حب الرجل و المرأه او على الاقل يتمنى ان يمر بهذه التجربه كلهذا يجعلنى احب الحب
اما عن سبب كرهى له
فى جمله شهيره اوى بتخوفنى من الحب و هى "الحب ضعف"
طب يا ترى فعلا هذه الجمله صحيحه و لا؟ طب و ايه هو مفهوم الضعف هنا و ما هو نوع الضعف اللي ممكن اضعفه بسب الحب فهذه الجمله جعلتنى اخاف من الحب و و منعتنى من ان اخوض في الحب

نقطه تانيه مخوفانى الشخص نفسه الللى ممكن يميل تجاهة القلب هل هو يستحق قلبي هل يستحق المشاعر التى اعتبرها كنز من الصعب انى افرط فيه يا ترى على وجه البشريه كلها شخص يستاهل انى اضحى من اجله باى شيء باستثناء الوالدين طبيعا تفتكرو في
مهما كان قريب او صديق او حبيب هل يستحق ان اعطيه جزء من مشاعرى او اضحى من اجله
و ان وجد تفتكر حكمى عليه صحيح ام تم خداعى؟
كل هذا بيدور في رأسي في كثير من الاحيان
و لذالك بحب الحب و بكره
بس بينى و بينكم لكى احسم الصراعه الداخلى بين الحب و الكره و اصل لنوع من الاستقرار النفسي الى حد كبير قررت

قررت احب الدنيا كلها
قررت احب الناس كلها
قررت احذف كلمة كره من قاموس حياتى
ممكن ازعل
وارد اغضب
من المتوقع ان اثور
و لكن اكره لا
الحياه لكى تعيشها لازم تحبها
تحبها بكل انواع البشر اللى فيها
تحبها بحلوه و مرها
تحبها بخيرها و شرها
حبها